Հայոց Եկեղեցում Ս. Մյուռոնի գործածությունը գալիս է առաքելական ժամանակներից
Ըստ ազգային Ավանդության, որը մեջբերված է ԺԳ դարի նշանավոր աստվածաբան, մեկնիչ, տոմարագետ, մանկավարժ և պատմագիր Վանական վարդապետի «Հայ ազգի գովեստը» աշխատության մեջ, Քրիստոսի օրհնած յուղը Հայաստան է բերել Հայոց աշխարհի առաջին լուսավորիչ Ս. Թադեոս առաքյալը: Հայաստան գալով` նա իր հետ բերած սրբազան յուղով օծում է հիվանդ Աբգար թագավորին և բժշկում նրան: Այնուհետև առաքյալը մեկնում է Տարոն, ուր մշտադալար մի եղերդենու տակ թաղում է շշով բերած իր յուղը: Այդտեղ իջած լույսով և Ս. Գրիգոր Լուսավորչին երևացած տեսիլքի շնորհիվ Հայոց առաջին Հայրապետը գտնում է առաքյալի թաղած սուրբ յուղը և խառնում իր օրհնած Մյուռոնին:
Հետագայում մեր հավատքի հայր Ս. Գր. Լուսավորիչն այդ վայրում կառուցում է Ս. Հովհաննես Մկրտչի անունով մի եկեղեցի, որը հայ մատենագրության մեջ կոչվում է նաև «Եղրդուտի վանք» կամ «Ս. Շիշ յուղի վանք»: Եվ այսպես ամեն անգամ, երբ Ամենայն Հայոց Կաթողիկոսները նոր Մյուռոն են օրհնել, դրան ավելացրել են նաև լուսավորչավանդ Ս. Մյուռոնը, որպեսզի հնի մեջ բնակվող սրբալույս Շնորհը փոխանցվի նորին:
Այս քայլով մեր Եկեղեցին ոչ միայն ապահովում է դարեդար փոխանցվող Մյուռոնի հաջորդականությունը, այլ նաև ևս մեկ անգամ շեշտում Սրբազան Ավանդության հանդեպ իր հավատարմությունը:
Տ. Զաքարիա վարդապետ Բաղումյան
«Շավիղ»-ի միջոցառման ընթացքում Քաշաթաղի դպրոցականների համար գրենական պիտույքներ հավաքեցին. ֆոտոշարք
Ավանդույթներ
,
Բեմարվեստ
,
Երգարվեստ
,
Պարարվեստ
,
Ֆոտոշարք
«Շավիղ» կրթամշակութային նախաձեռնության նպատակը հայ ավանդական արժեհամակարգի վեր հանումն ու տարածումն է, որի շրջանակներում «Շավիղ»-ի երիտասարները հանդես են գալիս բազմաբնույթ միջոցայումներով:
Օգոստոսի 21-ին «Շավիղ» նախաձեռնությունը իրականացրեց հայկական ավանդական մշակույթին նվիրված իր հերթական տոնախմբությունը:
Ազգագրական պարերից, երգերից, ազգային խաղերից կազմված միջոցառումը մեկնարկեց օգոստոսի 21-ի երեկոյան, «Շավիղ»-ի մասնակիցների համար արդեն հարազատ դարձած վայրում` Հալաբյան փողոցի սզբնամասում, Կիևյան կամուրջի հարևանությամբ գտնվող Թումանյանի այգում, «Թումո» կենտրոնի շենքի ներքևում գտնվող շատրվանների տարածքում:
Միջոցառման ընթացքում երիտասարդների նախաձեռնությամբ իրականացվեց նաև գրենական պիտույքների հավաք, որոնք շուտով կփոխանցվեն Քաշաթաղի շրջանի դպրոցականներին:
Նյութը և ֆոտոշարքը` Հայկ Կիսեբլյանի
Subscribe to:
Posts
(
Atom
)
